भिडियो सहित हेर्नुहोस !
Advertisement
काभ्रे– जिल्लाको मेच्छे गाविस– ९, मुक्पाका पुग्दा अनौठो देखिन्छ । किसानसँग न बस्ने घर छन् न अन्नवाली राख्ने भण्डार नै । अस्थायी वाँसस्थानमा अन्नबाली राख्न समस्या छ । त्यसैले उनीहरुले यसरी रुखमा राख्न बाध्य भएका छन् ।
सरकारले पूनर्निमाणको ठोस योजना ल्याउँला र घर बनाउँला भनेर बसेका भुकम्प पीडित किसनाका दु:ख बढेको बढ्यै छन् । भुकम्प पीडित किसानलाई अन्नबाली व्यवस्थापन गर्न यतिखेर ठूलो समस्या परेको छ । भूकम्पले घर ध्वस्तभएपछि विगत ७ महिना देखि अस्थायी टहरोमा बस्दै आएका छन किसान । उनीहरुले रुखमा अन्नबाली भण्डारण गरेका छन् ।
भूकम्प प्रभावित क्षेत्रका किसानहरुलाई अन्नबाली राख्ने ठाउँको अभाव भएपछि उनीहरुले अनेक उपाय अपनाएका छन् । खाद्यान्न संकट आउन चिन्तामा छन किसान ।
मकै बाली भण्डारण गर्नकै लागि भएपनि मेच्छे–९, मुक्पा धामीटोलका कामीसिं तामाङले खीर्राको रुख नजिक अस्थायी टहरो निर्माण गरेका छन् । मकै रुखमा झुन्डाएर राखेका छन् । अस्थायी टहरोमा राख्ने ठाउँ नभएपछि गाउँ भरिका किसानहरुले यसरी नै मकैलाई बाहिर राख्ने गरेका छन् ।
च्यासिङखर्क–५ गोलेटोलकी माइली मायाँ तामाङले मकैे राख्ने ठाउँ नभएपछि समस्या बभएको बताइन । ‘मकै पाकेर त ल्याइयो अस्थायी टहरामा सुत्नालाई मात्रै ठाउँ पुग्छ अन्नबाली कहाँ राख्ने होला अहिले लाई बाहिरै राखेको छ पानी पर्दा चिन्ताले सताउन थालेको छ’ उनले भनिन् ।’
फलामेटार–९ की कान्छी मायाँ तामाङको समस्या उनको भन्दा फरक छ । ७ महिना बितिसक्दा सम्म अस्थायी टहरा समेत छैन उनको । भूकम्पका कारण श्रीमानको मृत्युपछि किरिय गर्न स्थानीयसँग लिएको ४० हजार ऋणले उनले अस्थायी टहरा समेत बताउन नसक्दा अझै पनि उनको बास त्रिपालमुनी नै छ ।
भूकम्प पिडितहरुले अन्नबाली राख्ने ठाउँ नभएपछि कुहिएर खद्यान्नको अभाव हुने भन्दै चिन्ता गर्न थालेका छन ।
